جيت ابتدي من خير لفظ البريــه
............................. ســـــلام ربٍ عاليـــــا بالسمـــــوات
حي الكــلام الي من القلب حيــه
............................. وحي الغرام الي عزف بعض الابيات
معزوفة العــاتي على قلب ريـــه
............................. الي له النــظـم المصفّى حكــــايــات
فرسانها بأرض القلوب المنيـــه
............................ بير الهوى علقـبّــه رِشـــاه بسكــــات
تمشي على رمش العيون السريه
........................... وتهد خيل الجيش طـــول المســافـــات
انهيت روحــي بعت قلبٍ عطيـــه
........................... طعنت طعنـــه أردت القلب والـــذات
هزي ي روحي هزةٍ جذع الأضلاع
هزي عساها تمطرك من حنيني
في كفتك جرح الهوى طفل ماطاع
والكسر شوّه صورةٍ وسط عيني
اُس الثلاثه جذر تربيع الاوجاع
صعبه على من قاس جرح السنيني
بلّغ عن المجروح في دنيته ضاع
وارفق صور مجروحةٍ لاتديني
لعل .. يمكن أو عسى جملة اطماع
حطام بين اضلاع صدري وبيني
امد لك قلبي وبالجرح لك صاع
ياما عذرتك امس والجرح فيني
ضاقت بعيني فعلتك حجم الوساع
رمحٍ غرسته واستقر بوتيني
جاهدت لجلك وقتٍ إبقلب ملتاع
لكن كتبت الجرح فوق الجبيني
يقرا جروح القلب في كف وذراع
مكتوب .. لاتكثر عليها أنيني
متفننٍ بالجرح في قلبٍ انصاع
اشكي جروحٍ روحها تشتكيني
عاتي دخيلك دمعةٍ لجل بياع
قالت انا من قبل اختك واعيني
آواه .. ثم الآه صرخاتي انواع
ردد صدى جرحي وكيه تبيني
ياناس ياهل العقل للطيب صِنّاع
يامدركين امثال قوم اليميني
عندي قضيه تطلب انصات الاسماع
تبكي حروفي قبل تكتب يديني
ماعاد تفرق لو سمع داعيا داع
قلبا صدق مره تكفي الحزيني
قصـر الوعــود الي بنينا سويـه ..........................
مـــــا ينهدم لاصـــــار معنــــاه مـا فـات
لكن سمــــوك قنبلتــكم قويـــه .........................
حطمــت كل الحب رمــــز وبنـــايــــــــات
برحل عن الايـام روحٍ عصيه .........................
بركض بدون القلب والجـــرح مــا مـــات
بترك عظيــم الدار سجّل عليـه .........................
برحــل لـــو ان القلب في داركـم بــــــات
واِبحَثْ إذا تلقى لقلبي سميـــه .........................
تعـــال واقتـــل روح فينـــي مسمــــــات
أبصم لشخصك والعقل كان فيه .........................
مسمـــوح مني مــا تِحاسَب جنـايــــــات
بقلمي
أعتذر عن عمق الالم الذي احتوته احرفي فاقبلوها كما هي ~
كنت متردده انزلها لالمها لكن عشان الغاليه نزلتها ..